دانلود نوحه میداندا یالقیز قالمیسان (قالمیشام) جان قارداش از پرویز حسینی

دور ایاقه آی ابالفضل ای امیر لشگریم
قالمیشام میداندا یالقیز دور وفالی یاوریم
آی منیم آرخام ائلیم
غصه دن سئندی بئلیم

ای بنی هاشم هلالی ای علمداریم اویان
ای فرات اوسته حسبنون گؤزلرین آغلار قویان
ائللرین معشوقی سن سن عاشقم قارداش سنه
دور بئلیم سئندی ابالفضل ال چالور دشمن منه
آی منیم آرخام ائلیم
غصه دن سئندی بئلیم

انت نور انت بدر فی السماه عترتی
انت محبوب الحسین یا اخی یا یا حیلتی
سن گونشسن آیدین آیسان سن حسینین یاریسن
سن حریم مصطفانین یار و پرچمداریسن
آی منیم آرخام ائلیم
غصه دن سئندی بئلیم

آلدیم ادرکنی صداسین خیمه دن دوشدوم یولا
یئرده نخلستاندا گؤردوم قان سپوبسن صاق صولا
آند وئررم مرتضایه آند وئررم جدیمه
دور اخا قانلی گؤزون آچ باخ بوکولموش قدیمه
آی منیم آرخام ائلیم
غصه دن سئندی بئلیم

آسمان محنتیمده وای اولا اولدوزلارا
آیریلور روحین بدندن وای منه وای قیزلارا
باشوی قوی سینم اوسته آغلیوب ایوای دیوم
سن منه آغلا ابالفضل من سنه لایلای دیوم
آی منیم آرخام ائلیم
غصه دن سئندی بئلیم